Со гордост информираме дека главната медицинска сестра на Психијатриската болница Скопје, Флурије Ибраими, учествуваше на 8-от Конгрес на European Specialist Nurses Organisation (ESNO), кој се одржа во Рим од 4 до 6 јуни 2026 година.

Учеството на овој значаен професионален настан овозможи размена на искуства, запознавање со најновите трендови во медицинската сестринска пракса и зајакнување на соработката со здравствени професионалци од различни европски земји.

Особено нѐ радува што нашиот персонал е активно вклучен во меѓународни професионални форуми, носејќи нови знаења и современи практики кои придонесуваат за унапредување на грижата за пациентите и професионалниот развој на нашата установа.
Честитки до Флурије Ибраими за успешното претставување на нашата болница и за нејзината континуирана посветеност кон медицинската сестринска професија.